Baada ya ukimya wa takriban miaka minne, msanii nyota wa muziki wa pop, Justin Bieber, amerudi kwa kishindo kupitia albamu yake mpya SWAG, iliyotolewa rasmi Ijumaa, Julai 11 kupitia lebo ya Def Jam. Albamu hii ina nyimbo 21 na inatajwa kuwa kazi yake ya karibu zaidi kihisia, akigusia mapambano ya kiakili na changamoto kwenye ndoa yake na mkewe Hailey.
🔥Katika wimbo wake “Walking Away”, Bieber anaonekana kuzungumzia misuguano kwenye ndoa yao, akiimba mistari kama:
“Siku zinapita haraka, sitaki kutumia na wewe
Kwa nini unanitupia mawe mgongoni?
Tunaweza kuumizana, bora tupumzike kidogo…”
Lakini pia anathibitisha kuwa bado yupo kwenye ndoa kwa moyo wote:
“Sitaki kuondoka,
Ulikuwa almasi wangu
Nilikupa pete na ahadi,
Nikakuambia nitabadilika…
Sitaki kuondoka.”
👨👩👦 Bieber pia anazungumzia maisha ya familia kupitia wimbo wa "Standing on Business", uliochochewa na tukio alilomjibu mpaparazi kwa kusema:
“Mimi ni baba. Mimi ni mume. Ninasimamia biashara yangu.”
Wimbo huu unamshirikisha mchekeshaji maarufu Druski.
Katika miezi ya hivi karibuni, Bieber alikabiliwa na matatizo ya kifedha, ikiwemo kuuza haki za muziki wake kwa dola milioni 200, na baadaye kugundulika kuwa alikuwa anadaiwa zaidi ya dola milioni 8 na meneja wake wa zamani. Hata hivyo, walifikia makubaliano ya kulipa.
Mnamo Agosti 2024, yeye na Hailey walipata mtoto wao wa kwanza, Jack, na wamekuwa wakishiriki picha za familia mitandaoni, wakionekana wakiwa karibu licha ya changamoto.
“My forever n always,” aliandika kwenye moja ya picha akiwa amemkumbatia Hailey.
Albamu ya SWAG inawashirikisha wasanii mbalimbali wakiwemo Sexyy Red, Gunna, 2 Chainz, Cash Cobain, na wengine. Mradi huu uliandaliwa mapema mwaka huu huko Iceland, na ni muendelezo wa albamu yake ya 2021, Justice.
🏆 Akiwa na umri wa miaka 31 sasa, Bieber anaendelea kukua sio tu kama msanii, bali pia kama mume, baba na mtu anayepambana na maisha ya hadharani. Albamu ya SWAG ni ushahidi wa safari yake ya ndani – inayogusa mapenzi, msamaha, afya ya akili na uthibitisho wa kuwa bado ana nafasi kubwa katika muziki wa dunia.